Statistikat e aksidenteve/ INSTAT: Mbi 85 % të rasteve është faji i të rinjve që drejtojnë mjetet

INSTAT ka publikuar bilancin e aksidenteve rrugore në vend për vitin 2021 sipas së cilit në muajin Tetor të këtij viti janë numëruar 127 aksidente rrugore nga 108 aksidente të ndodhura në muajin Tetor 2020, duke u rritur me 17,6 % ndërsa dhjetëmujori i vitit 2021 paraqitet me një rritje prej 13,8 %, ku numërohen 1.151 aksidente rrugore nga 1.011 aksidente të ndodhura në dhjetëmujorin e vitit 2020. Ajo që duhet evidentuar është se viti 2020 ka qenë një vit pandemie dhe për disa kohë ka qenë i ndaluar qarkullimi i mjeteve, duke ndikuar në këtë mënyrë në një numër më të ulët aksidentesh rrugore.

Gjithashtu sipas informacionit të publikuar numri i të aksidentuarve (të vrarë dhe të plagosur) është 179 persona nga 148 që ishte në të njëjtën muaj të një viti më parë ndërsa në dhjetëmujorin e vitit 2021, numri i të aksidentuarve është 1.570 persona nga 1.312 persona në dhjetëmujorin e vitit 2020.

Gjatë këtij viti aksidentet rrugore, në 85,8 % të rasteve, kanë ndodhur si pasojë e sjelljes së drejtuesit të mjetit dhe numri më i lartë i aksidenteve në këtë periudhë është kryer nga grup-mosha 25–34 vjeç, duke zënë 27,6 % të numrit të aksidenteve gjithsej duke u rritur me 9,4 %, krahasuar me të njëjtën periudhë të një viti më parë.

E . S / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.