Stellantis pezullon prodhimin në Rusi – Shkak, vështirësitë nga sanksionet perëndimore!

Kompania Stellantis, që prodhon dhe shet markat e automjeteve Peugeot, Citroёn, Opel, Jeep dhe Fiat në Rusi, deklaroi se po pezullon prodhimin në fabrikën e tij ruse për shkak të vështirësive logjistike dhe sanksioneve të vendosura ndaj Moskës. Stellantis, prodhuesi i katërt më i madh i makinave në botë, ka vetëm 1% të tregut të makinave në Rusi, zotëron një fabrikë në Kaluga rreth 100 kilometra në juglindje të Moskës me prodhuesin japonez të makinave Mitsubishi, përpara se të ndalonte prodhimin atje në prill.

“Duke pasur parasysh rritjen e shpejtë ditore të sanksioneve të kryqëzuara dhe vështirësive logjistike, Stellantis ka pezulluar operacionet e saj prodhuese në Kaluga për të siguruar përputhjen e plotë me të gjitha sanksionet dhe për të mbrojtur punonjësit e saj”, tha Stellantis në një deklaratë.

Shumë kompani të huaja kanë njoftuar mbyllje të përkohshme të dyqaneve dhe fabrikave në Rusi, ose kanë deklaruar se po largohen përgjithmonë që kur Rusia filloi atë që e quan “një operacion special ushtarak” në Ukrainë më 24 shkurt.

Volkswagen, që zotëron një fabrikë ku punëson 4,200 persona, në fillim të marsit pezulloi operimet. Edhe Volvo Group, që punëson mbi 600 persona në fabrikën që prodhon kryesisht kamionë, pezulloi gjithashtu prodhimin.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.