Stimulimi i vetë-prodhimit të energjisë – Kompanitë, 6 kërkesa për MIE, OSHEE dhe ERE: Implementimi, kritik në kushtet e krizës
Shoqëritë që operojnë në tregun e energjisë fotovoltaike i kërkojnë Ministrisë së Infrastrukturës dhe Energjisë, Operatorit të Shpërndarjes së Energjisë Elektrike dhe Entit Rregullaotr të Energjisë, të ndërmarrin një sërë masash, me qëllim stimulimin e vetëprodhimit të energjisë nga dielli. Nisur nga situata e pandemisë, kriza energjetike, por edhe nga vetë parashikimet ligjore, kompanitë kërkojnë realizimin e 6 pikave, që do të kishin impakt edhe te konsmatori fundor.
Në shkresën që mban datën 1 nëntor, kompanitë kërkojnë impelmentimin e menjëhershëm të bilancit vjetor të energjisë elektrike të prodhuar nga impiantet fotovolatike për vetëkonsum, rritjen e fuqisë së instaluar fotovoltaike nga 500 kë në 1000 kë për vetëprodhuesit, si dhe krijimin e një platforme online për aplikim për lidhjen me rrjetin e vetëprodhuesve të energjisë.
Gjithashtu, kërkohet lejimi i instalimeve të impianteve për vetëkonsum në distancë nga objekti/industria që e konsumon atë., thjeshtëzimin e procedurës për lidhen me rrjetin e impainteve fotovoltaike rezidenciale tepër të vogla dhe aplikimi i një skeme mbështetëse (incentivim) për to, si dhe përcaktimi i sasisë së emetimeve CO2 të evituar për çdo këh të prodhuar nnga impiante të rinovueshme të energjisë. Sipas kompanive, rëndësia e implementimit të propozimeve është kritike në kushtete e emergjencës, me ndikim jo vetëm në investimet e klientëve , por me impakt edhe më të madh për çdo konsumator fundor në Shqipëri, çmimi i produktit ose shërbimit të të cilit lidhet drejtpërdejt me mënyrën sesi prodhuesit shqiptarë vendosin të prodhojnë ose jo energjinë që ata konsumojnë.
Ola Mitre / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.