Stoqet ‘në mëdyshje’ – Rrisin vlerën për shkak të vaksinës, por ka pasiguri në lidhje me politikën e SHBA

Aksionet globale u rritën të martën, një ditë pasi Pfizer tha se prova e saj në fazën e vonë të vaksinës COVID-19 kishte treguar rezultate premtuese, por kujdesi mbi thellësinë e pandemisë së koronavirusit dhe një klimë e pasigurtë politike të SHBA kufizoi fitimet.

Dow Jones Industrial Average, S&P 500 dhe Nasdaq u rritën 0,5%.

Në SHBA, fituesi më i madh ishte sektori i energjisë, duke u rritur rreth 14% për shkak të rritjes së çmimeve të naftës, thanë analistët e Deutsche Bank. Aksionet e teknologjisë humbën, pasi Zoom ra 20% së bashku me Netflix dhe Clorox.

Në Evropë, Rolls-Royce ishte performuesi më i mirë në Londrën FTSE 100, duke u rritur 24%, pasuar nga pronari i British Airways, IAG, i cili u rrit me 6.6%.

FTSE 100 u rrit 1%, ndërsa indeksi Euro Stoxx 50 i aksioneve kryesore të zonës së euros u rrit 0,5% dhe DAX i Gjermanisë ra 0,2%.

Shanghai Composite i Kinës ra 0.4% pasi të dhënat treguan se çmimet e konsumit u rritën me ritmin e tyre më të ngadaltë në mbi një dekadë në tetor, por si Topix i Japonisë ashtu edhe Hang Seng i Hong Kongut u rritën me 1% në mbyllje.

Nafta zgjati fitimet e së hënës. Nafta e papërpunuar Brent u rrit 1.6% në 43.08 dollarë për fuçi, ndërsa nafta e papërpunuar West Texas Intermediate fitoi 1.4% për t’u tregtuar me rreth 40.87 dollarë për fuçi.

Ari u rrit 1,4% në rreth 1,897,85 dollarë ons, duke rikuperuar disa prej rënies së 5% të së hënës.

D.B – SCAN
Burimi: Business Insider

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.