Strategji për edukimin financiar – Java e investitorit/ Kaçi: Do të përfshijë institucione private dhe publike
Autoriteti i Mbikëqyrjes Financiare në bashkëpunim me Bankën e Shqipërisë do të dalë së shpejti me një strategji gjithëpërfshirëse për edukimin financiar që do të përfshijë institucione të ndryshme publike dhe private.
Pjesëmarrëse në aktivitetin e organizuar në kuadër të “Javës Botërore të Investtoirëve”, zv.Drejtoresha e AMF Mimoza Kaçi theksoi se ky institucion mbetet i orientuar në nismat që synojnë rritjen e ndërgjegjësimit dhe edukimit për tregjet financiare nën mbikëqyrje.
Në kuadër të “Javës Botërore të Investitorit”, Autoriteti i Mbikëqyrjes Financiare, në bashkëpunim me shoqatat e tregjeve nën mbikëqyrje dhe organizatën “Junior Achievement Albania” u bë pjesë e aktivitetit “Ne flasim gjuhën e tregjeve financiare”.
Përgjatë një viti, gjimnazistë dhe maturantë nga shkollat e mesme në qytete të ndryshme të vendit u përfshinë në hartimin e një fjalori me terma dhe koncepte themelore në fushën e investimeve dhe sipërmarrjes, shprehur në një gjuhë të thjeshtuar e të përshtatshme për grupmoshën e tyre.
Elisabeta Dosku / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.