Studimi afrikan e konfirmon: Doza përforcuese J&J është 84% efektive kundër shtrimit në spital!
Një dozë përforcuese e vaksinës me një dozë të vetme e Johnson & Johnson ishte 84% efektive në parandalimin e shtrimit në spital tek punonjësit e kujdesit shëndetësor të Afrikës së Jugut që u infektuan me variantin Omicron, thanë studiuesit të enjten.
Studimi, i cili nuk është rishikuar nga kolegët, u bazua në një dozë të dytë të vaksinës J&J të administruar te 69,092 punonjës të kujdesit shëndetësor midis 15 nëntorit dhe 20 dhjetorit.
Cikli fillestar i vaksinimit është treguar se ofron mbrojtje shumë të reduktuar kundër Omicron, veçanërisht kundër infeksionit. Megjithatë, disa studime kanë sugjeruar që një dozë përforcuese ofron mbrojtje të konsiderueshme kundër sëmundjeve të rënda.
Studimi i ri i Afrikës së Jugut tregoi se efektiviteti i vaksinës në parandalimin e shtrimit në spital u rrit nga 63% menjëherë pas injektimit të një doze përforcuese në 84%, 14 ditë më vonë. Efektiviteti arriti në 85%, 1-2 muaj pas injeksionit.
Në fillim të këtij muaji, një tjetër studim me bazë në Afrikën e Jugut tregoi se raundi i parë i vaksinimit me dy doza të vaksinës COVID-19 të Pfizer-BioNTech kishte qenë më pak efektiv në Afrikën e Jugut për të mbajtur jashtë spitaleve njerëzit e infektuar me virusin që kur u shfaq varianti Omicron muajin e kaluar.
Provat kanë vlerësuar efikasitetin e vaksinës J&J në terren pasi ajo u pezullua përkohësisht për shkak të shqetësimeve për raste jashtëzakonisht të rralla të mpiksjes së gjakut.
Edel Strazimiri / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.