Studimi amerikan për Omicron – Tre vaksinat atje nuk janë efektive ndaj variantit pa marrë një dozë nxitëse

Të tre vaksinat e Covid-19 të autorizuara në SHBA duket se janë shumë më pak efektive kundër variantit të ri Omicron në testet në laborator, por një dozë nxitëse ka gjasa të rikthejë pjesën më të madhe të mbrojtjtes, sipas një studimi të publikuar gjatë Javës. Studimi nga hulumtuersit tek Masachusetts General Hospital, Harvard dhe MIT, që nuk është rishikuar ende nga homologët, testoi gjakun nga njerëzit që kanë marrë vaksinat e Moderna, J&J dhe Pfizer, kudnër një pseudovirusi të krijuar në laborator për t’i ngjarë Omicron. Hulumtuesit zbuluan nivel të ulët apo fare të antitrualve neutralizues ndaj variantit nga regjimet e rregullat të të 3 vaksinave, 2 doza të Moderna, 2 doza të Pfizer dhe 1 e J&J.

Megjithatë, gjaku nga njerëzit që kanë marrë së fundmi një dozë nxitëse tregoi neutralizim të fortë ndaj variantit, sipas studimit. Shkencëtarët bënë gjithashtu të ditur se Omicron është shumë më infektues se sa variantet e mëparshme shqetësuese,  thuajse sa dyfishi i variantit Delta, që pritet të mbiztërohet nga Omicron së shpejti. Rezultatet janë të ngjashme me studime të tjera të publikuara së fundmi.

Hulumtuesit tek Universiteti i Oksfordit zbuluan se regjimet e vaksinave me 2 doza të Pfizer dhe AstraZeneca nuk ulin mjaftueshëm antitrupat neutralizues kundër variantit të ri.  BioNTech dhe Pfizer thanë javën e kaluar se kursi me 3 doza i vaksinës së tyre ka aftësi për të neutralizuar Omicron në testet në laborator, por 2 doza kanë antitrupa neutralizues shumë më të ulëta.  Moderna dhe J&J nuk kanë publikuar ende të dhëna të vetat mbi mënyrën se si vaksinat performojnë kundër variantit të ri.

Klevis Llaha / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.