Studimi: E folura për veten në vetën e tretë, ndihmon në rregullimin e gjendjes emocionale
Të flasësh për veten në vetën e tretë mund të tingëllojë paksa e çuditshme por ka një arsye të mirë pse duhet të filloni ta bëni këtë.
Nëse gjendeni në një situatë stresuese ka rezultuar se nëse i flisni vetes në vetën e tretë dhe i kërkoni të qetësohet gjendja do të fillojë të ndryshojë disi.
Në një studim të kohëve të fundit, i profesorëve të Universitetit të shtetit të Miçiganit dhe universitetit të Miçiganit zhvilluan dy eksperimente për të gjetur efektet që krijon e folura për vetveten në vetën e tretë.
Dhe gjejeni se çfarë rezultoi? Nëse flisni me veteveten në vetën e tretë do të shihni mjaft ndryshim në rregullimin e emocioneve tuaja dhe reduktimin e stresit.
Në eksperimentin e parë, pjesëmarrësve iu prezantuan imazhe neutral dhe shqetësuese dhe iu kërkuan të ndanin ndjenjat e tyre duke folur në vetën e parë dhe të tretë.
Gjatë matjes së aktivitetit nervor të një pjesëmarrësi, ndërkohë që ndanë reagime, studiuesit zbuluan se njerëzit që përdorin emrin e tyre në vend që të thonin “unë” ishin më pak reagues ndaj imazheve shqetësuese dhe treguan më shumë kontroll mbi emocionet e tyre.
Në një shembull dramatik, personat që flisnin në vetën e tretë treguan më pak frikë kur iu paraqit imazhi i dikujt që mbante armën në kokën e dikujt.
Si një përfitim i shtuar, të folurit me vetveten në vetën e tretë kërkon përpjekje shtesë mendore, krahasuar me format e tjera të vetëkontrollit.
“Kjo është një shenjë e mirë, përdorimi i vetës së tretë gjatë kohës që flisni apo mendoni me vete mund të jetë një strategji e mirë për rregullimin e emocioneve të individit”, shpjegon Jason Moser, profesor i asociuar i MSU në psikologji”.
Eksperimenti i dytë tregoi gjithashtu se kjo është e vërtetë. Nëse matni aktivitetin e trurit të pjesëmarrësve kur iu kërkua të kujtojnë përvojat personale të dhimbshme nga të kaluarat e tyre , hulumtuesit përsëri zbuluan se njerëzit që flisnin në vetën e tretë kishin ma pak aktivitet negativ në trurin e tyre dhe një rregullim të mirë emocional.
V.Hydi/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.