Studimi i CDC për 12-18 vjeçarët – Vaksina e Pfizer, tejet mbrojtëse. Parandalon shtrimin në spital me 93%
Vaksina e Pfizer me Biontech ishte 93% efektive në parandalimin e shtrimit në spital tek personat në moshë 12-18 vjeç, sipas një analize të publikuar nga Qendra për Kontrollin dhe Parandalimin e Sëmundjeve. Studimi u zhvillua nga Qershori në Shtator, ku varianti tejet i ngjitshëm Delta ishte mbizotërues. Megjithatë, të dhënat nga 19 spitale pediatrike treguan se ndër 179 pacientët që ishin shtruar në spital me Covid-19, 97% ishin të pavaksinuar, duke riofruar sigurim mbi efikasitetin e vaksinës.
Prej thuasje 16% të pacientëve të shtruar në spital me Covid të ashpër që kërkon njësi intensive, asnjë nuk ishte vaksinuar. Raporti i Qendrës për Kontrollin dhe Parandalimin e Sëmundjeve bazohet tek provat e bëra nga kompanitë në këtë grupmoshë që tregon reagim të lartë imunitar ndaj virusit, por që nuk ishin projektuar për të vërtetuar efektshmëri ndaj shtrimit në spital.
Vaksina e Pfizer/BioNTevh është autorizuar pë fëmijët deri në moshë 12 vjeç dhe kojmpanitë po kërkojnë autorizim për përdorim tek 5-vjeçarët. Një panel i ekspertëve këshillues i Administratës së Barnave dhe Ushqimeve në SHBA, pritet të vlerësojë të dhënat për fëmijët më vonë gjatë muajit. “Të dhënat e CDC përforcojnë rëndësinë e vaksinimit për të mbrojtur të rinjtë amerikan ndaj Covid të ashpër” deklarojnë autorët në studim.
Klevis Llaha / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.