Studimi: Koncepti i pushimeve të gjata europiane rrit produktivitetin në punë

Europianët kanë një traditë për marrjen e pushimeve të gjata gjatë muajit të verës.

Në Norvegji, termi “fellesferie” i  referohet dy ose tre javëve ku punonjësit marrin pushim kolektivisht duke i mbyllur punët dhe bizneset e tyre.

Gjithashtu edhe në Holandë, punonjësit në industrinë e ndërtimit marrin pushime ndërtimi për disa javë, të quajtura “Bouwvak”.

Ky është një koncept ziliqar për shumë amerikanë pasi Shtetet e Bashkuara të Amerikës janë i vetmi organizëm i Organizatës për Bashkëpunim dhe Zhvillim Ekonomik që nuk japin pushime të paguara.

Studimet tregojnë se shumë amerikanë të cilët marrin pushime të paguara kanë frikë t’i marrin ato për shkak të presioneve për vendin e punës.

Por ka rezultuar se koncepti europian për marrjen e pushimeve të gjata ndihmon në rritjen e produktivitetit në punë.

Sipas OECD, Direktiva e Bashkëpunimit të Bashkimit Europian iu garanton punëtorëve të BE-së së paku 20 ditë pushimi të paguara në vit, në kundërshtim me Shtetet e Bashkuara, të cilat nuk kanë një kërkesë minimale të lejes vjetore.

Disa vende evropiane kanë mandat për pushime shtesë, të tilla si Mbretëria e Bashkuar, Franca, Austria, Danimarka, Finlanda, Luksemburgu dhe Suedia të cilat kërkojnë të paktën 25 ose më shumë ditë pushimi të paguara vjetore.

Të dhënat tregojnë se më shumë kohë nuk duhet të përkthehet në produktivitet më të ulët. Nëntë nga 10 vendet më produktive në OECD më 2015, të matura me PBB për orë pune, ishin në Evropë, ndërkohë që  Shtetet e Bashkuara u renditën në vendin e gjashtë.

V.Hydi/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.