Studimi / Në Itali 2.5% e popullsisë ka antitrupa, 6 herë më shumë se numri zyrtar i të infektuarve
Pak nën 250,000 italianë janë konfirmuar zyrtarisht me COVID-19, por një studim i ri sugjeron që numri aktual është gjashtëfishi i numrit zyrtar.
Pothuajse 1.5 milion njerëz (1.48 milion), ose 2.5% e popullsisë, ka të ngjarë të kenë antitrupa koronavirus, sipas sondazhit nga Ministria e Shëndetësisë dhe Agjensia e Statistikave, raportoi Reuters. Ky konstatim bazohet në testimin e 64.660 personave ndërmjet 25 majit dhe 15 korrikut. Nga ata që u testuan, 27.3% ishin asimptomatikë. Testet u bënë në partneritet me Kryqin e Kuq Italian.
Në 41.7% të rasteve, burimi i infeksionit ishte një i afërm që jetonte në të njëjtën shtëpi, vuri në dukje CNN. Ka pasur dallime të konsiderueshme rajonale në rezultate, me rajonin verior të Lombardisë që raporton një normë infeksioni prej 7.5% ndërsa ishujt e Siçilisë dhe Sardenjës raportuan vetëm 0.3%.
“Kjo do të thotë që masa e ashpër dhe rigoroze e miratuar nga qeveritë qendrore dhe rajonale, dhe sjellja e saktë e popullit italian, shmangi një përhapje më masive të virusit,” tha ministri i shëndetësisë Roberto Speranza në një konferencë shtypi, për CNN.
D.B – SCAN
Burimi: Business Insider
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.