Studimi nga Universiteti i Oksfordit – Pacientët COVID-19 kanë imunitet për gjashtë muaj
Një studim nga Universiteti i Oksfordit ka zbuluar se nëse me COVID-19 nuk ka shumë të ngjarë ta merrni përsëri për të paktën gjashtë muaj. Raporti pretendon të jetë vështrimi i parë thelbësor se si funksionon imuniteti i koronavirusit.
Studimi ndoqi më shumë se 12,000 punonjës të kujdesit shëndetësor në Oksford. Nga ata që u infektuan me koronavirus, asnjë nuk u infektua përsëri në periudhën afatshkurtër. David Eyre, Profesor në Sëmundjet Infektive, në Universitetin e Oksfordit dhe i cili punoi në studim tha: “Studimi po vazhdon për të zbuluar nëse mbrojtja nga infeksioni zgjat më shumë.” Por ai tha se ka besim se sapo njerëzit të marrin COVID-19 shumica nuk do ta marrin atë përsëri në afat të shkurtër.
Ai tha pasi ndoqi njerëzit për gjashtë muaj, studiuesit ishin të etur të ndajnë rezultatet e tyre. Njoftimi vjen një javë pasi firmat bioteknike Pfizer, Moderna dhe Oxford-AstraZeneca njoftuan rezultate premtuese nga provat e fazave të vona të vaksinave COVID-19.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.