Studimi / Niveli i ndotjes së ajrit kontribuon në vdekjet nga Covid-19
Nivele të larta të ndotjes së ajrit mund të jenë “një nga kontribuesit më të rëndësishëm” në vdekjet nga Covid-19, sipas një hulumtimi të ri.
Studimi analitik tregon se nga vdekjet e koronavirusit në 66 rajone administrative në Itali, Spanjë, Francë dhe Gjermani, 78% e tyre kanë ndodhur në vetëm pesë rajone, dhe këto ishin më të ndoturat.
Studimi ekzaminoi nivelet e dioksidit të azotit, një ndotës i prodhuar kryesisht nga automjetet me naftë, dhe kushtet e motit që mund të parandalojnë që ajri i ndotur të shpërndahet larg nga një qytet. Shumë studime kanë lidhur ekspozimin e NO2 ndaj dëmtimit të shëndetit, dhe veçanërisht sëmundjeve të mushkërive, gjë që mund t’i bëjë njerëzit më të predispozuar të vdesin nëse kontraktojnë Covid-19.
Analiza është në gjendje të tregojë vetëm një lidhje të fortë, jo një lidhje shkakore. Tani është e nevojshme të ekzaminohet nëse prania e një gjendje fillestare inflamatore ka të bëjë me reagimin e sistemit imunitar ndaj koronavirusit. Bllokimet e përhapura në të gjithë botën kanë çuar në uljen e trafikut të automjeteve dhe ndotjen e ajrit. Sidoqoftë, ekspozimi afatgjatë ndaj ajrit të ndotur para pandemisë mund të jetë më i rëndësishëm sesa nivelet aktuale të ndotjes.
D.B – SCAN
Burimi: The Guardian
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.