Studimi: Tashmë ka filluar zhdukja e gjashtë masive e planetit!
A jemi në mes të zhdukjes së gjashtë masive? Po, sipas një studimi të kryer nga një grup biologësh nga Universiteti i Hawait (Honolulu) dhe Muzeu Kombëtar i Historisë së Natyrës (Paris), botuar në Biological Reviews. “Ka një rritje “drastike” të shkallës së zhdukjes së shumë specieve të gjalla,” shpjegon Robert Cowie, autori kryesor i hulumtimit: “është e padiskutueshme që ka një rënie të mprehtë të numrit të individëve të llojeve të ndryshme të kafshëve dhe bimëve , dhe kjo konfirmon se fenomeni i zhdukjes është në zhvillim e sipër”.
Hulumtimi ka nxjerrë në pah se deri në vitin 1500 midis 7.5 dhe 13 % e 2 milionë specieve të njohura do të ishin zhdukur nga planeti ynë. “Ky është një numër i madh: do të thotë se 150,000 deri në 260,000 specie nuk ekzistojnë më,” thotë studiuesi. Zonat më të prekura nga zhdukja do të ishin ato izoluese në krahasim me ato kontinentale dhe bimët duket se vuajnë nga një shkallë më e lartë e zhdukjes sesa kafshët tokësore.
Për momentin janë pesë zhdukje masive të mëdha që kanë ndodhur në të kaluarën (edhe pse për disa studiues ishin vetëm katër), të përcaktuara si të tilla sepse prekën të gjithë planetin dhe një përqindje shumë të lartë të specieve të gjalla. Duhet theksuar se kur flasim për “zhdukje” duhet të mendojmë për një ngjarje që çon në shkatërrimin e formave të jetës në dhjetëra apo qindra mijëra vjet, që në aspektin gjeologjik janë kohë shumë të shkurtra. Çfarë do të thotë? Se nëse një qenie e gjallë është në zemër të një zhdukjeje, mund të mos e vërejë atë edhe nëse jeta e saj zgjat disa dekada. Dhe kjo është ajo që do të ndodhte tani.
Megjithatë, disa mohojnë se po përballemi me një zhdukje masive. Ndoshta sepse, sipas Cowie, ata marrin në konsideratë gjitarët dhe zogjtë, duke injoruar jovertebrorët. “Këta të fundit, nga ana tjetër, përbëjnë pjesën më të rëndësishme të jetës në Tokë dhe nuk mund të injorohen”, thotë studiuesi. Dhe cili do të jetë roli ynë? “Njeriu është e vetmja specie e aftë të manipulojë biosferën në një shkallë të gjerë”, përfundon Cowie: “dhe duke qenë se ne jemi e vetmja specie që mund të zgjedhim me vetëdije të ardhmen e saj dhe atë të biodiversitetit tokësor, roli i tij është thelbësor për të zgjatur, ngadalësuar ose ndaluar këtë situatë”. FCS
Edel Strazimiri / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.