Studimi/ Videolojërat mund të rrisin fuqinë e trurit dhe perspektivat e punës
“Duke luajtur me videolojëra të rinjtë mund të rrisin aftësitë e komunikimit dhe të kenë një stabilitet të mirë mendor.” Kështu sugjeron një hulumtim i kryer në Universitetin e Glasgout në Skoci.
Dy grupe studentësh u vendosën tetë javë që të luajnë lojëra. Ata që kishin luajtur lojëra që përfshinin veprimet dhe fantazinë, kishin pasur rezultate në komunikim, përshtatshmëri dhe shkathtësi.
“Këto aftësi shpesh përdoren nga punëdhënësit si veti karakteristike, për t’u pranuar në punë.“
Lojërat moderne kërkojnë që përdoruesit të jenë të vëmendshëm dhe të shkathët, të gjejnë mënyra të ndryshme për të përfunduar detyrat që u jepen.
Mënyrat e lojërave janë të ndërtuara në mënyrë të tillë që të rrisin të menduarin “kritik” dhe të mësuarin “reflektues”.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.