Stuhia ‘Ciara’ shkakton viktima dhe të plagosur – Erërat e forta kalojnë shpejtësinë 180 km/orë!
Me një shpejtësi ere deri në 180 kilometra në orë, shira të rrëmbyeshëm dhe përmbytje, stuhia ‘Ciara’ ka lënë një gjurmë shkatërrimi dhe madje edhe vdekje, me të paktën pesë viktima deri më tani, në Europën veriore.
Ndërkohë gjendja e emergjencës ka lëvizur në jug në një trajektore e cila në orët e fundit e ka sjellë atë përmes Holandës, Gjermanisë dhe Francës duke kërcënuar edhe jug-lindjen franceze dhe deri në Mesdhe, në Korsikë. Qindra fluturime janë anuluar.
Katër nga pesë viktimat ishin në vendet periferike në lidhje me zemrën e stuhisë, e cila pati një shtrirje shumë të madhe: një person u zhduk në det në jug të Suedisë pasi përmbytjes së varkës së tij; në Londër dhe në Slloveninë e largët dy persona humbën jetën për shkak të rënies së pemëve në makinat e tyre përkatëse, ndërsa në Poloni, në zonën e Zakopane, afër kufirit me Sllovakinë, një grua dhe vajza e saj u vranë nga shkëputja e një çatie e cila ra mbi to.
Tre të lënduar rëndë nga rënia e pemëve u regjistruan gjithashtu në Gjermani: dy në Sarrebruck, në zonën e Rhine, dhe një në Paderborn, në qendër. Në Këln, një vinç ra mbi katedrale, duke shkaktuar dëme të mëdha. Ndërsa në Austri rreth 35 mijë shtëpi janë pa energji elektrike. (Ansa)
E . S / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.