Suedia me numrin më të lartë të vdekjeve në Evropë, për 1 milion banorë
Suedia regjistroi numrin e vdekjeve më të mëdha nga Covid-19 në Evropë për frymë, gjatë javës që përfundoi të martën, sipas të dhënave nga Our World In Data, një publikim studimor në internet me qendër në Universitetin e Oksfordit.
Të dhënat, të raportuara për herë të parë nga Reuters, treguan se Suedia mesatarisht ka 6.25 vdekje në ditë për milion njerëz nga virusi.
Në mënyrë krahasuese, Mbretëria e Bashkuar mesatarisht ka 5.75 vdekje në ditë për milion njerëz në të njëjtën periudhë shtatë-ditore, Belgjika kishte mesatarisht 4.6, Franca mesatarisht 3.49 dhe Italia mesatarisht 3.
Ndërsa Suedia ka regjistruar shumë më pak raste Covid-19 në përgjithësi sesa vendet më të populluara si Italia dhe Gjermania, numri i vdekjeve për frymë është ndër më të lartat në botë.
Suedia asnjëherë nuk lëshoi një bllokim zyrtar në përgjigje të pandemisë koronavirus. Në vend të kësaj, modeli anti-koronavirus i vendit mbështetet në përgjegjësinë personale dhe inkurajon qytetarët të qëndrojnë në shtëpi kur janë të sëmurë dhe të ruajnë distancën sociale kur janë në publik. Shumica e bizneseve, restoranteve, bareve dhe shkollat kanë mbetur të hapura, megjithëse mbledhjet e më shumë se 50 njerëzve u ndaluan në fund të marsit.
D.B – SCAN
Burimi: Business Insider
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.