Sulmi në Gjermani shkakton 9 viktima – Dyshimet, çfarë shkruajnë mediat ndërkombëtare?
Mbrëmjen e së mërkurës, një ekstremist, i dyshuar i krahut të djathtë, qëlloi nëntë persona me pasojë vdekjen në dy shisha bare (lokale ku konsumohej shisha) në Hanau, të Gjermanisë. Sipas policisë i dyshuari besohet se është kthyer në shtëpi pas sulmit dhe është vetëvrarë, gjatë kontrollit në banesën e tij është gjendur dhe një trup tjetër i pajetë.
“Nuk ka asnjë indikacion se ekzistojnë të dyshuar të tjerë të përfshirë. Një nga dy personat e vdekur të gjetur ka shumë të ngjarë të jetë autori i veprës,” tha policia në një deklaratë herët të enjten, duke shtuar se hetimet për identitetin e personit të armatosur dhe viktimave ishin në vazhdim.
Bild, gazeta e përditshme më e shitur në Gjermani, tha pa cituar një burim që i dyshuari ka lënë një video me anë të së cilës mban përgjegjësinë e aktit. Sipas gazetës Bild i dyshuari ishte një shtetas gjerman dhe se municionet dhe armët e tij u gjendën në automjetin e parkuar afër lokaleve të përfshira në ngjarje.
Disa nga viktimat ishin me origjinë turke, tha një zëdhënës i presidencës turke. “Ne presim që autoritetet gjermane të tregojnë përpjekje maksimale për të zbardhur këtë çështje. Racizmi është një kancer kolektiv,” tha Ibrahim Kalin në Twitter.
Revista gjermane Focus citoi disa burime të sigurta sipas të cilave shumë prej viktimave kishin një prejardhje emigrante.
Tetorin e kaluar, një qitës anti-semit hapi zjarr para një sinagogu gjerman në Yom Kippur, ditën më të shenjtë të vitit hebre, dhe vrau dy njerëz ndërsa e paraqiti ngjarjen live me anë të një videoje. (Reuters)
E . S / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.