Sulmohet bursa japoneze e kriptovalutave – Vidhen mbi 97 mln USD te një nga platformat më të mëdha në vend
Bursa e kriptovalutave në Japoni, Liquid, theksoi se është goditur nga një sulm kibernetik që solli vjedhjen nga hakerat të një shumë prej 97 milionë dollarë. Liquid bëri të ditur se portofoli me valuta dixhitale është “kompromentuar”, dhe se hakerat po transferojnë monedhat në 4 portofole të ndryshme. “Ne po hetojmë për momentin dhe do ofrojnë përditësime të rregullta.
Ndërkohë, depozitat dhe tërheqjet janë pezulluar”- shkroi në Tëitter bursa japoneze Liquid. Kjo e fundit nuk ofroi një vlerësim për humbjen, por theksoi se është nën mbikëqyrjen rregullatore të Agjencisë së Shërbimeve Financiare të japonisë. Elliptic, një kompani e analizave të rrjetit blockchain, theksoi se a rreth 97 milionë dollarë në kriptovaluta janë marrë nga hakerat. Në total, 45 milionë dollarë po konvertohen në ethereum përmes bursave të decentralizuara, që janë platforma blockchain që nuk kërkojnë ndërmjetës, si Uniswap dhe Sushiswap.
Sipas analistëve, kjo i mundëson hakerave që të shmangin ngrirjen e këtyre aseteve, si ndodh me shumë monedha Ethereum. Liquid renditet tek 20 bursat më të mëdha botërore të kriptovalutave matur nga volumi i tregtimit ditor, dhe ka procesuar mbi 133 milionë dollarë në transaksione në 24 orët e fundit, sipas CoinMarketCap.
Klevis Llaha / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.