Surprizë! Shifrat zyrtare tregojnë se papunësia në Amerikë është ulur gjatë majit. Trump përshëndet lajmin: “E jashtëzakonshme”
Surprizë nga tregu i punës në SH.B.A. Në maj, sipas të dhënave të publikuara nga Departamenti i Punës, shkalla e papunësisë ra në 13.3% nga 14.7% e regjistruar në prill dhe ekonomia amerikane krijoi 2.6 milion vende pune. Një shifër që habiti shumicën e analistëve, të cilët prisnin një rritje deri në 19.5%, dhe që përkundrazi u përshëndet në mënyrë triumfale nga Presidenti amerikan Donald Trump: “Këta numra janë të jashtëzakonshëm”, shkroi ai në Twitter.
Në sektorin privat, mbi 3 milion vende pune u krijuan në maj, krahasuar me -19.5 milion vende pune në prill dhe kundër një rënie të pritshme prej 7.5 milion. Në sektorin e prodhimit, ekonomia amerikane krijoi 225 mijë vende pune në maj, krahasuar me -1.3 milion në prill. Tregu i punës në Sh.B.A u përmirësua ndjeshëm në gjysmën e dytë të majit, me rihapjen e aktiviteteve tregtare pas mbylljes në mes të marsit.
Kostoja mesatare e punës për orë u rrit me 6.7% në maj kundrejt + 8% në prill dhe kundër një rritje të pritshme 8.5%.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.