Takim mes sipërmarrësve në Sarandë, ministrja Ekonomi: Vitin e kaluar 783 biznese nga Kosova u regjistruan në Shqipëri
Përfaqësues të bizneseve nga Kosova po zhvillojnë një vizitë në Sarandë, ku po takohen me sipërmarrës nga ky qytet. Në këtë takim janë të pranishme ministrja e Zhvillimit Ekonomik, Turizmit Tregtisë dhe Sipërmarrjes, Milva Ekonomi, së bashku me homologen e saj kosovare Hykmete Bajrami. Sipas të dhënave nga MZHETTS në takim janë të pranishëm rreth 30 biznesmenë nga Kosova.
Ministret Ekonomi dhe Bajrami u shprehën gjatë këtij takimi se është e rëndësishme të tërhiqen investimet e juaja, ndërkohë që theksin e vunë tek krijimi i një hapësire rregullatore për lidhjen mes bizneseve.
Ekonomi gjithashtu tha se “Në 2016, kishim një rritje me 30% të turistëve nga Kosova në Sarandë. Ndërkohë gjithsej 783 subjekte nga Kosova janë regjistruar në Shqipëri”
Sa i takon itinerarit të vizitave që do të kryhen tek bizneset në Sarandë, Ekonomi në një postim në “Facebook” shkruan “Në këtë vizitë treditore do kemi mundësinë të diskutojmë mbi mundësitë e bashkëpunimit ekonomik, do të kemi gjithashtu disa vizita në qendrën e Depurimit të Midhjes” shkruan Ekonomi, ku ndër të tjera thotë se vizitat do të pasojnë në plantacionet me agrume ne Xarrë, Mursi-Konispol dhe në disa hotele e restorante të Sarandës.
Osman Dedja/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.