Takimi i “BRICS” – Fuqizohet bashkëpunimi në 5 ekonomitë më të mëdha në zhvillim
Ministrat e Financave dhe guvernatorët e Bankave Qendrore të grupit të 5 ekonomive më të mëdha në zhvillim, të quajtur BRICS, kanë arritur në një konsensus mbi promovimin e bashkëpunimit fiskal, pas bisedimeve mbi situatën makroekonomike botërore.
Takimi në Shanghai është i dyti për këtë vit dhe i fundit përpara samitit që do të zhvillohet në muajin Shtator.
“Të gjitha palët kanë premtuar të fuqizojnë në mënyrë aktive koordinimin e politikave, të nxisin rritjen e fortë dhe gjithëpërfshirëse të ekonomisë si dhe të kundërshtojnë proteksionizmin”, deklaroi ministri kinez i Financave, Xiao Jie.
Brazili, Rusia, India, Kina dhe Afrika e Jugut (BRICS), prezantuan në Shanghai rrjetin e tyre të partneritetit publik-privat, dhe ranë dakord për të parën herë që të konvergjojnë në standardet e tyre të kontabilitetit.
Anëtarët kinezë, vend që mban aktualisht drejtimin e grupit, thanë se bashkëpunimi i pesë vendeve është zgjeruar edhe në fushat politike dhe kulturore gjatë 10 viteve të fundit.
Klevis Llaha/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.