Takimi/Shahini: Bojkotet dhe ultimatumet të panevojshme. Pedagogët: Afat deri në mesnatë
Ministrja e Arsimit ka zhvilluar një takim me një përfaqësi pedagogësh të Universitetit të Tiranës, ku ka përfunduar pa ndonjë dakordësi. Në një dalje për mediat, Shahini tha se duhet të vazhdojmë të dialogojmë, pasi bojkotet dhe ultimatumet nuk janë të nevojshme.
“Prita një grup pedagogësh. I përgëzova që janë mbledhur së bashku. I ftova pedagogët për t’iu shpjeguar të gjitha pikat për Paktin për Universitetin. I dëgjova dhe më dëgjuan, pro ën fund nuk ramë dakord. Ndajmë mendime të ndryshme më pedagogët, ska asgjë të keqe. Do vazhdojmë të ecim përpara. Ne do të vazhdojmë të dëgjojmë të gjithë, pro do të vijojmë duke udhëhequr. Shumica e stafeve akademive dhe student janë mbështetës të paktit për Universitetin.
Gjatë këtyre takimeve po projektojmë edhe nevojat infrastrukturore në projekte konkrete që më pas do të rezultojnë në përmirësimin e infrastrukturës në Universitete. Bojkoti dhe ultimatumet nuk janë mjete të nevojshme, të dialogojmë. Ndaj, inkurajoj që të gjithë të kontribuojnë në rrugën e pakthyeshme në cilësinë e arsimit të lartë”.
Nga ana tjetër, pedagogët me herët kanë deklaruar se në takimin me Ministren nuk pati asnjë qëndrim konkret. Ata janë shprehur se do të hynë në një greve të përgjithshme nëse nuk plotësohen kërkesat e tyre.
“Presim deri në darkë nëse jo do marrim qëndrimin për mos reagim ndaj kërkesave tona si refuzim. Do i drejtohemi trupës akademike për një grevë të përgjithshme të pedagogëve”.
E.Z/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.