Taksa e ndërtesës nuk rrit buxhetet e bashkive – Toska: Shkak mungesa e Kadastrës Fiskale dhe mospagesa për shkak të rritjes
Pavarësisht pritshmërive, ndryshimi i taksës mbi pasuritë e paluajtshme nuk po jep efekte e pritshme në buxhetet e bashkive, teksa për vitin 2020, të ardhurat nga kjo taksë u shënuan në 0.3% të Prodhimit të Brendshëm Bruto. Ekspertët rendisin një sërë faktorësh, që mund të kenë çuar në të ardhurat e ulta nga kjo taksë, ku ndër të tjera është mungesa e kadastrës fiskale apo edhe mospagesa nga qytetarët për shkak të rritjes së nivelit së kësaj takse.
Ndërkaq, një tjetër taksë që do të impaktojë buxhetet e disa bashkive është heqja e taksës së rentës minerare për mineralet e përpunuara me destinacion eksportin. Sipas ekspertëve, duhet të jetë buxheti i shtetit që duhet të kompensojë këto mungesa apo zëvendësimi i tyre me taksa të reja.
Sipas legjislacionit në fuqi, 5% e taksës së rentës minerare iu transferohet bashkive ku ushtrojnë aktiviteti kompanitë e shfrytëzimit të mineraleve. Por, me ndryshimet në ligjin “Për taksat kombëtare”, parashikohet përjashtimi nga taksa e rentës minerare për mineralet metalore që përpunohen në vend dhe eksportohen në formën e nënprodukteve, për një periudhë 3-vjeçare, si dhe përgjysmimin e saj në vijim.
Ola Mitre / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.