Taksa e pasurisë, krijohet drejtoria e posaçme – Në varësi të ministrit të Financave dhe Ekonomisë
Në mbledhjen e fundit, Këshilli i Ministrave vendosi për krijimin e Drejtorisë së Përgjithshme të Taksës së Pasurisë. Ky institucion do të jetë në varësi të ministrit të Financave dhe Ekonomisë, Arben Ahmetaj dhe do të ketë si mision administrimin në nivel qendror taksën vendore mbi pasuritë e paluajtshme.
Ndryshimi i formulës për taksën e pronës apo biznesit e ka bërë më të komplikuar edhe metodologjinë mbi të cilën do të llogaritet shuma që duhet të paguajë çdo individ apo sipërmarrës.
Detyra kryesor e kësaj drejtorie duket se do të jetë menaxhimi i regjistrit qendror të bazës së të dhënave të pasurive të paluajtshme, apo i njohur si kadastra fiskale.
Drejtoria do të funksionojë gjithashtu si monitorues dhe asistues i bashkive në procedurat që ndjekin për llogaritjen e kësaj takse.
Institucioni do të asistojë edhe në zgjidhjen e mosmarrëveshjeve mes njësive të vetëqeverisjes vendore dhe agjentit të autorizuar për mbledhjen e taksës së ndërtesës, apo institucioneve të tjera informuese.
A.H./SCAN
Taksa e re e pronës, ja si do të bëhet vlerësimi i bazës së taksës – Verifikim në terren për çdo ndërtesë
Taksa e pronës, ja çmimet referuese për çdo qytet – Kush paguan më shumë apo më pak
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.