Taksa e pronës nga 1 prilli, Ahmetaj:OSHEE, agjent më i mirë! Bashkitë, të drejtë për reduktim deri në 30%. Tabaku: S’janë gati
Operatori i Shpërndarjes së Energjisë Elektrike vlerësohet për momentin nga Ministria e Financave si agjenti më i përshtatshëm për mbledhjen e taksës së pronës që do të aplikohet pas pak ditësh. Gjatë raportimit në komisionin parlamentar të Ekonomisë, ministri i Financave Arben Ahmetaj iu përgjigj interesimit të deputetëve lidhur me skemën e re të mbledhjes dhe përllogaritjes së taksës, duke theksuar se impakti në buxhetet familjare do të jetë minimal. Sipas Ahmetajt, njësitë e pushtetit vendor kanë mundësinë që të reduktojnë deri në 30 % të taksës, e kjo mund të ulë dhe më tej ndikimin në buxhetet familjare.
Ndërkohë, anëtarja e komisionit të Ekonomisë Jorida Tabaku deklaroi se pushteti vendor nuk është gati për mbledhjen e kësaj takse. Ndërsa ngriti pikëpyetje lidhur me mënyrën sesi ministria e Financave do ë monitorojë mbledhjen e kësaj takse, Tabaku tha se bashkitë kanë rritur shpenzimet dhe stafet me këtë taksë.
Elisabeta Dosku/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.