Taksa për rrugën e Kombit – Kasa: E lartë, do të ndikojë në turizmin patriotik
Taksa për rrugën e kombit, e cila nxiti debate dhe protesta në radhët e qytetarëve, pritet të ketë ndikim edhe në turizmin patriotik . Aktualisht në shqipëri, numrin më të lartë të Turistëve e zënë qytetarët e Kosovës ku vetëm për 2017 ky numër arriti në 1.7 milion. Por sipas Kryetarit të Unionit Turistik Shqiptar, Rrahman Kasa, numri i turistëve nga Kosova pritet të bjerë . Kasa deklaroi për televizionin SCAN se nuk është kundër vendosjes së taksës, por vlerës së saj, duke e cilësuar të lartë.
“Padyshim që ka ndikim edhe në turizëm. Ne e dimë se ky turizëm konsiderohet si turizëm patriotik dhe duke qenë se ka qenë turizmi që ka gjeneruar të ardhurat kryesore deri para pak vitesh në ekonominë tonë, kryesisht sektorin e turizmit. Jo se jam kundër pagesës së taksës për rrugën, sepse në fund të fundit rruga duhet të mirëmbahet dhe duhet të ketë një taksë, por kuota e vendosur 5 euro në një drejtim është e shtrenjtë për buxhetin dhe ekonominë e familjeve të Kosovës”, tha Kasa.
Lidhur me çmimet për këtë sezon, kreu i Unionit Turistik Shqiptar u shpreh se ka një rritje të lehtë nga ana e agjencive turistike.
“Normal që mund të ketë ndonjë rritje të lehtë çmimesh, sepse vjen në njëfarë progresiviteti nga viti në vit, por jo ndonjë rritje drastike, ndoshta edhe për shkak të TVSH-së që u ul për njësitë akomoduese në 6%”, u shpreh Kasa.
Sipas institutit të statistikave , në vitin 2017 në Shqipëri hyn në total 5.1 milion të huaj , gjysma e të cilëve për qellime turistike . Qytetarët e Kosovës vijojnë të zënë vendin e parë edhe pse më një rënie krahasuar me 2016-ën me 19%. Kjo për shkak të një sërë aktorësh si cmimet e larta , infrastruktura e dobët, cilësia e shërbimit. Pas kosovarëve numrin më të lartë të turistëve në vendin tonë e zënë Maqëdonasit me një rritje prej 18.5% krahasuar me një vit me parë dhe greket me një rritje 19%.
Nertila Doko/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.