‘Taksa për të pavaksinuarit’ e Kebekut, çon në rritje rekord të takimeve tek mjeku për dozën e parë!

Një ditë pasi provinca kanadeze e Kebekut njoftoi se do të penalizonte financiarisht banorët që janë të pavaksinuar, ministri i shëndetësisë i provincës tha të mërkurën se takimet për vaksina u rritën ndjeshëm në orët pas njoftimit.

Gjoba për të pavaksinuarit nuk do të zbatohet për ata me përjashtim mjekësor dhe nuk janë bërë të ditura detaje, megjithëse zyrtarët thanë se shuma që do të vihej do të ishte “e rëndësishme”.

Qeveria e Kebekut thotë se ndërsa gati 90% e qytetarëve të kualifikuar kanë marrë të paktën një dozë të një vaksine Covid-19, të pavaksinuarit mbeten një barrë për sistemin shëndetësor publik të provincës.

Në një konferencë për Covid-19 të mërkurën, kryeministri kanadez Justin Trudeau tha se ai nuk do të peshonte nëse ndëshkimi financiar i Kebek për të pavaksinuarit ishte një politikë e mirë, duke thënë se ai duhej të shihte detaje të mëtejshme.

Trudeau nënvizoi se Kanadaja ka mandate të rrepta të vaksinave për pasagjerët e linjave ajrore dhe trenave, punëtorët federalë dhe vendet e punës të rregulluara nga qeveria federale. Zyrtarët e shëndetit publik thonë se shumica dërrmuese e pacientëve në spitalet e Kebekut mbeten të pavaksinuar. Zyrtarët nuk kanë thënë se sa pacientë të shtruar me Covid në spital janë të pavaksinuar.

Edel Strazimiri / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.