Taksimi i biznesit, si renditemi? – Shqipëria e 120-ta në botë ndër 171 shtete

Shqipëria është e 120-ta në botë, ndër 171 shtete, sa i përket taksimit mbi biznesin. Krahasimi është bërë duke llogaritur si bazë taksën koorporative, e cila në vendin tonë fiksohet në 15%. Por, në konsideratë merren edhe taksa të tjera, të cilat jo të gjitha vendet i kanë njësoj dhe të cilat disa shtete i kanë në zero. Siç duket qartë edhe nga grafiku, Shqipëria ka një taksë koorporative më të lartë se vende si Japonia, Norvegjia apo  edhe Mbretëria e Bashkuar.

Nga lista janë hequr vendet në të cilat kjo taksë fiksohet në zero. Në  krahasim me rajonin ndërkohë, Shqipëria është e para bashkë me Serbinë, ku norma e taksimit koorporativ fiksohet në 15%. Ndërkohë që për të gjitha vendet e tjera taksa zbret pranë 10%, me përjashtim të Malit të Zi, ku zbret në 9%.

Në nivel global ndërkohë, në vend të parë renditen Emiratet e Bashkuara Arabe, me një normë në 55%, ndërkohë që nga krahu i kundërt i tabelës, është Uzbekistani, në 7.5%. Klasifikimi bëhet edhe në bazë të kontributeve. Në këtë drejtim, Shqipëria me një normë po në 15% renditet e 48-ta në botë, si dhe e dyta në rajon pas Serbisë, që ka një normë në 17.9%.

Roel Korkuti/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.