TANAP pranë përfundimit, gazi i parë në Turqi do të kalojë në Qershor
Gazsjellësi 1850 kilometra që përshkon të gjithë Turqinë është në prag të përfundimit dhe pritet të bëhet operativ shumë shpejt. Kompania shtetërore e gazit në Azerbajxhan “SOCAR”, e cila po ndërton gazsjellësin në bashkëpunim me autoritetet turke, njoftoi se tashmë 93% e projektit është përfunduar.
“Rruga e mëndafshtë e energjisë që shtrihet nga Azerbajxhani në Europë përmes Turqisë po përgatitet që të lidhë TANAP me rrjetin kombëtar të gazit në Turqi”, shkruan SOCAR Turkiye.
Pas lidhjes me rrjetin, pritet që rrjedha e parë e gazit të lëshohet në muajin Qershor.
TANAP është pjesa më e gjatë e Korridorit Jugor të Gazit, i cili në një gjatësi prej 3500 kilometrash do të lidhë burimet e gazit të Detit Kaspik me brigjet e Italisë, ku do të bëhet lidhja me rrjetin europian të gazit.
Gazsjellësi do të lidhet me TAP në kufirin mes Greqisë dhe Turqisë. Ndërkohë, TAP ka përfunduar mbi 87% të procesit të saldimit të tubave në Shqipëri dhe Greqi
A.H./SCAN
Türkiye üzerinden geçerek Azerbaycan’dan Avrupa’ya uzanan enerjinin ipek yolu TANAP, Türkiye’nin ulusal gaz şebekesine bağlanmaya hazırlanıyor. Projenin %93’ünün tamamlandığı TANAP’ta gaz akışı haziran ayında başlıyor!
Posted by SOCAR Türkiye on Thursday, April 26, 2018
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.