Tashmë mund të ndiqni “hashtaget” në të njëjtën mënyrë si njerëzit – Opsioni më i ri i Instagram në funksion të përdoruesve

Rrjeti social ka qenë gjithnjë një vend ku mund të ndiqni miqtë, familjen, të famshmit e preferuar dhe kafshët më të bukura por tani mund të zbuloni edhe më shumë në Instagram.

Instagram do të jetë dhe vendi ku ju do të mund të ndiqni interesat tuaja pa qenë nevoja të gërmoni për të gjetur llogaritë më të mira.

Duke filluar nga dita e djeshme Instagram u lejon përdoruesve që të ndjekin jo vetëm llogaritë e tyre të preferuara por gjithashtu të ndjekin “hashtaget” më popullore, për t’i ndihmuar ata të zbulojnë më shumë postime që përfshijnë interesat dhe komunitetet që u interesojnë.

Kur përdoruesit të vizitojnë një faqe “hashtag”, gjithçka që duhet të bëjnë është të klikojnë “ndiqni” dhe postimet më të mira nën atë “hashtag” do të fillojnë të shfaqen.

V.H/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.