Tatim-fitim 5% për 10 mijë biznese, Lera: Do të hyjë në fuqi nga 1 Janari 2019

Qeveria ka miratuar së fundmi uljen e tatim-fitimit në 5 për qind për rreth 10 mijë biznese që kanë qarkullim vjetor deri në 14 milionë lekë.

Në një intervistë për TV SCAN, Drejtori i Politikave Fiskale në Ministrinë e Financave dhe të Ekonomisë, Niko Lera, shpjegon se ky vendim do të nisë të aplikohet nga 1 Janari 2019, derisa administrate tatimore të bëhet gati.

Ndërsa thekson se do të ketë efekte pozitive, pasi bizneset nuk do ta fshehin më xhiron.

Një tjetër vendim i qeverisë lidhjet mbi ndarjen e pagesë së tatim fitimit midis investitorit dhe pronarit të truallit, ku secili do të paguajë pjesën takuese. Deri më tani kjo taksë paguhej vetëm nga ndërtuesit.

Qeveria ka miratuar gjithashtu lehtësi fiskale edhe për shoqëritë e bashkëpunimit bujqësor si dhe agrofermën, të cilat hyjnë në fuqi në muajin Korrik.

Elisabeta Dosku/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.