Tatimet, 21 milionë euro për asistencë në 8 muaj – Raporti/ U pezulluan inspektimet dhe hetimet tatimore për shkak të pandemisë

Administrata tatimore ka shpenzuar 21.2 ,milionë euro apo 2.5 miliardë lekë nga buxheti i shtetit për 8 muaj, për ofrimin e asistencës për rreth  159 mijë tatimpagues.  Referuar raportit të monitorimit të këtij institucioni në 8 mujor,  gjatë gjithë kësaj periudhe nuk janë kryer inspektime, hetime tatimore, për shkak të situatës së pandemisë.  Ndërkohë janë shpenzuar 513 milionë lekë për përmiresimin e modulit të menaxhimit të kontrollit të faturimit dhe 15 milionë lekë kontributi vjetor Fiscalis 2020.

Në raport thuhet, se nga buxheti i këtij intitucioni  15 milionë lekë të tjera janë paguar për krijimin e një mjedisi të ri dhomë serverash (data center), sistem tefonik voip dhe monitorimi i qendërzuar për DPT/DRT dhe 58 milionë lekë për 200 vendime gjyqsore të ekzekutuara. Në dokument bëhet me idje se fondet totale të shpenzuara gjatë kësaj periudhe kanë pasur si qëllim progresin organizativ të Administratës Tatimore dhe zhvillimi i kapaciteteve njerëzore, aplikimi i metodave dhe sistemeve të reja, modernizimin, ofrimin e shërbimeve cilësore dhe reduktimin e barrës administrative në pagesën e detyrimeve tatimore dhe kontributeve të sigurimeve shoqërore si rrjedhojë e rritjes së ndërgjegjësimit publik duke ndihmuar në zhvillimin e kulturës për përmbushje vullnetare më të lartë.

Po ashtu, citohet se shpenzimet janë fokusuar në implementimi elegjislacionit tatimor dhe sigurimeve shoqërore, hetimin i rasteve të mashtrimit tatimor, zbatimin i strategjisë së përmbushjes së menaxhimit të riskut, përmirësimin e mëtejshëm i kontrollit tatimor dhe gjurmimin e mashtrimeve tatimore, si dhe mbledhjen efikase dhe efektive të borxhit.

Elisabeta Dosku / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.