Tatimet: “AED Shpk” dhe “DAISY & ETM”, shoqëritë e autorizuara që ofrojnë mirëmbajtje të pajisjeve fiskale
Dy shoqëritë e autorizuara që që do të ofrojnë mirëmbajtje të pajisjeve fiskale janë përcaktuar nga Ministria e Financave.
Drejtoria e Përgjithshme e Tatimeve bën me dije se “Shoqëritë e Autorizuara që kanë shprehur interesin dhe gatishmërinë për të ofruar shërbimin e transmetimit dhe kontratat e mirëmbajtjes së paisjeve fiskale të tregtuara nga “CKV NOKI Albania Shpk” janë:
- Shoqëria e Autorizuar “AED Shpk”
- Shoqëria e Autorizuar “DAISY & ETM”
“Në mbështetje të pikës 11 të VKM-së, Nr.781, datë 14.11.2007, e ndryshuar “Për karakteristikat teknike e funksionale të pajisjeve fiskale…”, tatimpaguesit të cilët kanë në përdorim pajisje fiskale të tregtuara nga shoqëria “CKV-NOKI Albania Shpk”, duhet të marrin masat për të lidhur kontratë me persona të tjerë, të autorizuar për mirëmbajtje. Heqja e autorizimit “shoqëri e autorizuar” shoqërisë “CKV-NOKI Albania Shpk” u vendos me Urdhrin e Ministrit të Financave Nr. 29, datë 29.03.2017”, thuhet në njoftimin e DPT.
Eralda Zito/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.