Tatimet “këpusin” bizneset/ Në dy muaj ndëshkojnë mbi 1 mijë subjekte

Në dy muajt e parë të vitit, administrata tatimore në kuadër të planit antiinformalitet ka ushtruar 3164 kontrolle në subjekte në të gjithë vendin dhe ka kapur në shkelje të legjislacionit mbi 1034 mijë biznese.

Konkretisht shifrat e Drejtorisë së Përgjithshme të Tatimeve i përkasin periudhës 2 Janar-26 Shkurt 2020, ku Strukturat e Monitorimit në Terren kanë bërë verefikime në të gjithë territorin e vendit, në zbatim të Planit Operacional 2020.

Ky plan përcaktohet sipas elementëve të identifikuar të riskut nga analiza e deklarimeve të tatimpaguesve në sistemin tatimor, si edhe ndjekjen e të gjitha rasteve të denoncimeve që vijnë nga qytetarët, të cilët konstatojnë shkelje të ligjit në marrjen e shërbimit.

Ndër shkeljet kryesore të konstatuara kanë të bëjnë me  sbjekte të paregjistruara, për të cilët është marrë masa e bllokimit deri në momentin e regjistrimit të tyre pranë QKB dhe organeve tatimore; moslëshim të kuponit tatimor; subjekte me me punonjës të padeklaruar, apo pa pajisjen fiskale; si dhe subjekte që nuk i mbanin pajisjet fiskale në gjendje pune.

Po ashtu janë konstatuar edhe biznese që dispononin mallra pa dokumentacion tatimor. Numri më i lartë i kontrolleve është ushtuar gjatë muajit Shkurt.

Periudha 2 Janar-26 Shkurt

3164 kontrolle në subjekte

1034 subjekte në shkelje të ligjit

Elisabeta Dosku/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.