Tatimet kërkesë qytetarëve: Ja ku duhet të denonconi çdo shkelje që mund të kryhet nga punonjësit e administratës sonë

Pas akuzave të ngritura ditët e fundit dhe deklaratave të bëra nga partitë politike ku iu bëhet thirrje tatimorëve që të shmangin presionet ndaj bizneseve gjatë fushatës, ka reaguar edhe Drejtoria e Përgjithshme e Tatimeve, ku përmes një njoftimi për mediat bën thirrje që të denoncohet çdo rast i  përfshirjes së punonjësve të administratës së saj në aktivitete partiake, si dhe çdo parregullsi tjetër në raport me etikën e sjelljes, korrupsionin, evazionin fiskal apo shkeljen e ligjeve tatimore.

Administrata Tatimore përmes këtij njoftimi, fton qytetarët të denoncojnë në numrin 0800 14 14 ose në adresën e e-malit: [email protected], duke shprehur se do të garantohet mbrojtja e të dhënave të denoncuesit si dhe anonimati i tij.

Njoftimi i plotë i DPT

“Denonconi 0800 14 14

Drejtoria e Përgjithshme e Tatimeve ju bën thirrje të denonconi çdo rast të përfshirjes së punonjësve të administratës së saj në aktivitete partiake, si dhe çdo parregullsi tjetër në raport me etikën e sjelljes, korrupsionin, evazionin fiskal apo shkeljen e ligjeve tatimore në numrin e telefonit

0800 14 14

Na shkruani ose na dërgoni foto apo filmime në adresën [email protected]

* Garantojmë mbrojtjen e të dhënave të denoncuesit dhe ruajmë anonimatin e tij.”

Osman Dedja/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.