Tatimet, kujtesë: 20 gushti, afati i fundit për pagesën e tatimit për dividentët
Drejtoria e Përgjithshme e Tatimeve u risjell në kujtesë të gjithë tatimpaguesve se data 20 gusht është afati i fundit për pagesën e tatimit të mbajtur në burim për dividentët.
Dita e hënë është kështu afati i fundit për deklarimin dhe pagesën, pavarësisht nëse është kryer apo jo pagesa e dividentëve për përfituesit.
Në rast të mosdeklarimit apo maspagesës brenda kësaj date, penalitetet janë një gjobë prej 10 mijë lekësh për mosdorëzim në afat të deklaratës të tatimit të mbajtur në burim, si dhe penalitet të barabartë me 0.06% të shumës së detyrimit të papaguar për çdo ditë gjatë së cilës pagesa nuk është kryer.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.