Tatimet kujtesë atyre që kanë të ardhura mbi 2 milion lekë: Plotësoni deklaratën deri me 30 prill

Drejtoria e Përgjithshëm i Tatimeve rikujton se afati përfundimtar për plotësimin e  “Deklaratën Individuale Vjetore të të Ardhurave (DIVA)” është data 30 Prill 2021.

“Bëjmë me dije se detyrimin për dorëzimin e DIVA-s e kanë individë rezidentë dhe jo rezidentë në Republikën e Shqipërisë, të cilët gjatë vitit 2020 kanë realizuar të ardhura, nga të gjitha burimet, brenda dhe jashtë Shqipërisë, në shumën 2,000,000 (dy milionë) lekë e më tepër.

DIVA duhet të plotësohet gjithashtu edhe nga individët rezidentë apo jorezidentë, të cilët kanë qenë të punësuar në më shumë se 1 punëdhënës, gjatë vitit 2020 , pavarësisht se totali i të ardhurave të tyre gjatë këtij viti kalendarik është nën 2.000.000 (dy milionë) lekë” kujtojnë Tatimet.

Kjo deklaratë duhet të dorëzohet e plotësuar në mënyrë elektronike, nëpërmjet sistemit e-filing.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.