Tatimet zhvillojnë takime me Bizneset në Fier e Durrës – Pjesëmarrësit, pozitivë ndaj TVSH-së për biznesin e vogël
Drejtoria Rajonale Tatimore Fier ka zhvilluar një takim me përfaqësues të bizneseve lokale, mes tyre edhe përfaqësues të bizneseve që kanë shtuar përgjegjësinë tatimore të TVSH-së si rezultat i vizitave fiskale.
Qëllimi i këtij takimi ishte forcimi i bashkëpunimit, me qëllim inkurajimin e vetëdeklarimit të detyrimeve tatimore sipas afateve dhe rregullave.
Për të arritur të jenë korrektë në përmbushjen e detyrimeve ligjore, përfaqësuesit e bizneseve prezantuan kërkesat e tyre për informim në fushën e TVSH-së dhe Tatimit të Fitimit.
Po në këtë kuadër, Drejtoria Rajonale Tatimore Durrës zhvilloi një takim me përfaqësues të biznesit të vogël, ku u diskutua në lidhje me zbatueshmërinë e aksionit kundër informalitetit dhe problematikave të tjera në fushën fiskale të biznesit të vogël.
Pjesëmarrësit ishin pozitivë ndaj qasjes për regjistrimin e TVSH-së te bizneset e vogla dhe shprehën bashkëpunim në luftën kundër evazionit tatimor.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.