Kompanitë farmaceutike ankohen: “Tatimi i tepërt i shtetit grek mund të na çojë në faliment”
Kompanitë farmaceutike greke pohojnë se tatimi i i tepërt nga shteti grek përfundimisht do të çojë në falimentin e tyre.
Në konferencën e HealthWorld 2017 të Dhomës Amerikane Helene, presidenti i SFEE, Pascal Apostolides tha se kompanitë farmaceutike në Greqi kontribuojnë me 27.3 për qind të shpenzimeve publike farmaceutike në krahasim me mesataren europiane prej 8.6 për qind.
Presidenti i SFEE, Pascal Apostolides shtoi se të dhënat e mësipërme përbëjnë një shenjë të trishtueshme për të ardhmen e kompanive farmaceutike në Greqi.
Për më tepër, z.Apostolides paraqiti dëshmi nga një studim i fundit, i përgatitur nga profesorët e ekonomisë shëndetësore, duke sugjeruar që shpenzimet farmaceutike varen nga një numër faktorësh ekzogjen dhe endogjen të cilët nuk janë marrë parasysh dhe se nevojat reale të pacientëve janë injoruar në përcaktimin e shpenzimeve për Greqinë.
Sipas greece.greekreporter, studimi arriti në përfundimin se buxheti i tanishëm farmaceutik në Greqi është më i ulët se sa nënkuptohet nga karakteristikat demografike, epidemiologjike dhe ekonomike të tregut vendas, që tregojnë nevojën e politikave për rregullimin dhe racionalizimin e sasive dhe përzierjen e produkteve farmaceutike, si dhe një nevojë për rritjen e shpenzimeve.
Sipas studimit, kompanitë farmaceutike po paguajnë rreth 1 miliard euro në kthime dhe kompensime ndërkohë që buxheti i pamjaftueshëm publik i shpenzimeve farmaceutike nuk mund të plotësojë nevojat në rritje të pacientëve grekë duke reduktuar me 62 për qind në vitet e krisës dhe duke qëndruar vetëm në 50 për qind të mesatares europiane.
V.Hydi/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.