Të ardhura të padeklaruara – Ish mbreti paguan 4.4 milion euro në përpjekje për të shlyer situatën e taksave
Ish mbreti spanjoll Juan Carlos I ka paguar afër 4.4 milion euro autoriteteve tatimore të vendit në përpjekjen e tij të fundit për të shlyer të ardhurat e padeklaruara në të kaluarën.
Ish-monarku 83-vjeçar tashmë bëri kërkesë për zgjidhje për një borxh tjetër tatimor në dhjetor për një shumë totale prej më shumë se 678,000 euro.
Avokati i Juan Carlos, Javier Sanchez-Junco, tha në një deklaratë të Premten se borxhi i fundit tatimor lidhet me pagesat që një fondacion privat bëri në emër të ish mbretit për “disa shpenzime udhëtimi dhe shërbime të tjera”.
Zagatka, një fondacion me bazë në Lihtenshtajn, është në pronësi të Alvaro de Orleans, një biznesmen dhe kushëri i largët i Juan Carlos. Ai ka pranuar publikisht që ka financuar disa nga shpenzimet private të ish-monarkut. Pagesat në natyrë i nënshtrohen taksave sipas ligjit spanjoll.
Gazeta kryesore spanjolle El Pais, e cila publikoi historinë dhe faqja në internet e lajmeve El Espanol thanë se fondacioni paguan për fluturimet me një kompani private të avionëve për më shumë se një dekadë deri në 2018. (EN)
E . S / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.