Të ardhurat nga turizmi, Rama: Afro gjysmë miliard euro më shumë sesa viti i kaluar
Rrija e numrit të turistëve ka sjellë edhe një rritje të të hyrave në ekonominë e vendit. Kryeministri Rama në takim me kryetarët e bashkive dhe prefektët, deklaroi se sezoni turistik ka pasur një impakt të rëndësishëm edhe të njësitë vendore.
“Kemi një rritje të rëndësishme të numrit të turistëve dhe afro gjysmë miliard euro më shumë të futura në ekonomi nga turizmi, sesa viti i kaluar. Padyshim që edhe impakti i në ekonominë vendore shumë i rëndësishëm. Gjatë muajve qershor dhe korrik janë regjistruar një numër i konsiderueshëm biznesesh të reja, dhe ka pasur një përfshirje të madhe të djemve dhe vajzave në punë.
Rritja e numrit të punësuarve me rreth 6.1 për qind krahasuar me muajin maj-qershor, sidomos në disa zonë turistike. 22 për qind më shumë punësime në Sarandë, deri në 7 për qind në Vlorë dhe në Lezhë.
Ka pasur një rritje të konsiderueshme të formalizimit në procesin e transaksioneve. Saranda me një rrije shumë domethënëse, po ashtu edhe Vlora, Lezha, Shkodra, etj.
Kemi shumë për të mësuar, sepse ajo që duhet qartësisht në shifra dhe reflektohet në realitetin e përditshëm në zonat ku ka interes sh zhvillim turistik, na tregon që ka shuma hapësira akoma për të bërë përmirësime
Rritja e formalizimit dhe numrit të shitjeve me kupon, do të thotë më shumë të ardhura për vendorët, dhe dyti më shumë investime për to”.
Rama tha se ky sezon turistik ka pasur shumë arritje pozitive, por ka ende shumë hapësira për të investuar e sjellë të ardhura në ekonomi.
“Kemi pasur një sezon turistik më të pastër, por jemi shumë larg lartësisë së duhur. Është e udhës të investojmë edhe në festat dhe aktivitetet lokale. Festat janë një mundësi për komunitetet, fermerët, fshatin, për të shitur produktet e tyre për turistët.
Krijimi i eventeve tradicionale, që u vendos sot. Çmime të dedikuara të bashkive për persona të caktuar, personalitete që kanë një histori me këto bashki, këto sjellin më shumë njerëz, më shumë të ardhura”.
E.Z/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.