Të drejtat e pronësisë industriale në Shqipëri, konkursi i zhvilluar për gjimnazistët, MFE: “Promovojmë vlerat e të rinjve shqiptarë”

Ministria e Financave dhe Ekonomisë ka bërë me dije konkursin e zhvilluar ndëmrjet shkollave të mesme në kryeqytet me temë: “Të mbrojmë të drejtat e Pronësisë Industriale në Republikën e Shqipërisë”.

Aktiviteti i zhvilluar nga Drejtoria e Përgjithshme e Pronësisë Industriale, me mbështetjen e projektit Shqiptaro-Zviceran të Pronësisë Intelektuale ALSIP kishte si qëllim ndërgjegjësimin te brezat e rinj, si dhe promovimi i të drejtave të Pronësisë Industriale në vendin tonë.

Fitues i këtij konkursi u shpall shkolla e mesme “Turgut Ozal”, në ceremoninë ku pjesmarrës ishin edhe  Zëvendësministri i Financave dhe Ekonomisë, Besart Kadia dhe Drejtoresha e Përgjithshme e DPPI-së,  Ledina Beqiraj Agalliu.

“Për të promovuar vlerat e të rinjve shqiptarë, si dhe për të nxitur krijimtarinë dhe inovacionin, Ministria e Financave dhe Ekonomisë do të jetë gjithmonë mbështetëse e aktiviteteve të tilla.” – shprehet në lajmërim MFE.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.