“Të gjithë do të humbasim diçka nga marrëveshja me shqiptarët” – Vuçiç takim së shpejti me Ramën e Thaçin

Beogradi dhe Prishtina nuk janë farë pranë arritjes së një marrëveshje mes dy vendeve, sa i përket rishikimit të kufijve. Ky është qëndrimi i presidentit të Serbisë Aleksandër Vuçiç. Por nëse diçka e tillë do të ndodhte, ai shtoi se do të informonte publikun, shkruan B92.

“Është shumë vështirë të arrijmë një marrëveshje, nuk po i afrohemi … Ne jemi shumë larg nga zgjidhja. Nëse marrëveshja ndodh unë do të njoftoj publikun”, tha Vuçiç.

I pyetur për bisedimet midis shqiptarëve nga Presheva, Bujanoci dhe Medvegja dhe zyrtarët shqiptarë në Tiranë, Vuçiç tha se nuk ka frikë se “shumë njerëz po propozojnë përsëri të njëjtat tema dhe dëshira”.

“Le të presim rezultatet dhe të shohim se kush ka fituar dhe kush ka humbur. Duhet ta kuptojmë se pas marrëveshjes së mundshme me shqiptarët, të gjithë do të humbasin diçka”, tha Vuçiç.

Vuçiç tha se në ditët në vijim do të takohet me presidentin e Kosovës Hashim Thaçi dhe me Kryeministrin Edi Rama.

E.Z/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.