Të hënën në Vetting – Në sitë pasuria e Fatjona Memçaj, Prokurore e Apelit Tiranë
Fatjona Memçaj do të jetë prokurorja e dytë që do të paraqitet përpara komisionit të Vetting-ut. Paraditen e së hënës ajo do të jetë përballë Trupës Gjykuese të Komisionit të Pavarur të Apelimit për vlerësimin e pasusisë, performacës profesionale dhe integritetit personal.
Por në të kundërt të koleges së saj që u shkarkua për shkak të mosjustifikimit të pasurisë, me shume gjasa Memçaj do ta kalojë këtë test.
Prokurorja e Apelit të Tiranës rezulton se zotëron 20% të dy apartamenteve. Ajo ka deklaruar gjithashtu se gjatë disa viteve familja e saj ka ndërruar disa makina, por thujase të gjitha me vlerë afërisht 200 mijë-300 mijë lekë, dhe vetëm një mjet me vlerë 6 mijë euro. Që nga viti 2003 ajo deklaron mestarisht rreth 2 mijë euro në vit kursime familjare nga pagat.
Para pak ditësh Komisioni i Vetting-ut rrëzoi një tjetër Prokurore të Apelit, e cila nuk jutifikoi dot një apartament bashkë me dy garazhe në Tiranë, një apartament dhe një dyqan në Shëngjin, si dhe një makinë të shtrenjtë të blerë rreth 20 mijë euro.
Memçaj deklaron dy apartamente banimi në vitin 2003 dhe 2004, më sipërfaqe 97 m2 dhe 96 m2, ku është me vetëm 20 % pronare. Nga viti 2004 dhe në vazhdim, prokuroja nuk deklaron asnjë pasuri tjetër të paluajtshme. Ndërkaq, së bashku me bashkëshortin e saj, Dashamir Alsula, deklarojnë disa makina, por në vlera nën 6 mijë euro. Nga viti 2003 deri në vitit 2016, kanë ndërruar 9 makina. Ata deklarojnë makinë me vlerë 250 000 lekë në 2003, makinë Volksëagen 350 000 lekë në 2004, makinë Volksëagen 220 000 lekë në 2004, makinë Volksëagen 150 000 lekë në 2005, makinë Opel 375 000 lekë në 2006, Golf 4 6 mijë euro në 2008, makinë tip Smart 2 mijë euro në 2009, makinë benz 800 000 lekë në 2011 dhe makinë Audi 2 500 euro në 2015. Prokuroja Memçaj deklaron mesatarisht 2 mijë euro kursime vjetore nga pagat.
Shqiptarja.com zbardh ekskluzivisht pasurinë e prokurores së dytë që po i nënshtrohet Vetingut, që nga vitit 2003 deri në vitin 2016. Prokuroja ka deklaruar një pasuri normale në raport me të ardhurat e ligjshme, megjithatë fjalën e fundit për ligjshmërinë e pasurive të saj do ta thotë më datën 30 prill komisioni i Vetingut, i cili në bashkëpunim me hetuesit ndërkombëtar kryen hetim të thelluar për pasurinë e gjyqtarëve dhe prokurorëve që merren nën kontroll.
Lorenc Rabeta/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.