Të ndarë për vaksinë kineze Sinovac! Rezultatet në Brazil e tregojnë 50.4% efektive. Në Turqi 91,25% ndërsa në Indonezi 65,3 %
Vaksina kundër Covid-19 e zhvilluar nga kompania kineze Sinovac ka rezultuar 50.4% efektive në testimet klinike që ka bërë Brazili.
Testmet tregojnë se vaksina është dukshëm më pak efektive nga sa është deklaruar më parë dhe është shumë pak mbi përqindjen e nevojshme për t’ë marrë miratimin nga autoritetet rregullatore.
Vaksina kineze është një nga dy vaksinat që qeveria Braziliane ka parashikuar të marrë për vaksinimin e popullatës. Brazili është një nga vendet më të prekura nga virusi në botë.
Shumë vende përfshirë Indonezinë, Turqinë dhe Singaporin kanë porositur doza vaksine. Ndërkohë, BBC evidenton se vende të ndryshme japin përqindje të ndryshme lidhur me efektivitetin e vaksinës.
Ndryshe nga Brazili, Turqia ka dalë në konkluzionet shkencore se vaksina kineze është 91,25 % efektive ndërsa Indonezia 65,3 %.
Burimi: BBC
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.