“Të paprekur nga covid 19” – MSH: Kush duhet të vetëizolohet, dezinfektim autobusëve të transportit publik

3 rastet e reja të testuar nga Ministria e Shëndetësisë për COVID 19 kanë rezultuar negativë, duke bërë që Shqipëria të vazhdojë të mbetet e paprekur nga koronavirusi i ri. Në komunikimin e përditshëm të Task-Forcës në Ministrinë e Shëndetësisë u bë me dije numri total i personave të testuar ka shkuar në 53, ndërkohë që në kuadër të masave  për parandalimin e depërtimit të virusit pritet të nisë dhe dezinfektimi i autobusëve të transporti publik.

Në vijimësi po kryhet survjeanca e përforcuar në pikat kufitare, ajrore, detare dhe tokësore, ku në 24 orët e fundit kanë hyrë 17.770 udhëtarë, ndërkohë që Tomini ka sqaruar se cilët janë personat që iu këshillohet vetëkarantinimi për një periudhë 14-ditore.

Në 24 orët e fundit në nr. 127 ka patur 1539 thirrje, nga të cilat 38 prej tyre janë vlerësuar në lidhje me infeksione virale respiratore dhe histori udhëtimi me Italinë. Ndërkohë që, sikurse edhe më herët Ministria ka rekomanduar  qytetarët të telefonojnë në këtë numër në rast se kanë shenja të infeksionit viral.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.