“Të pezullohen taksat dhe koncesioni i markimit të karburantit/ Protestuesit zyrtarizojnë listën me kërkesa për qeverinë: 10 % TVSH
Dita e gjashtë e protestës së qytetarëve para kryeministrisë ka sjellë artikulimin e një serie kërkesash konkrete për qeverinë.
Lista e kërkesave të qytetarëve për qeverinë është:
-Pezullim i përkohshëm i taksave së qarkullimit
-Pezullimi i përkohshëm i taksës së karbonit
-Pezullim i përkohshëm i pagesave të koncesionit të markimit
-Pezullim i përkohshëm i koncesionit të skanimit
-Pezullim i përkohshëm i koncesionit të pompave
-Reduktim i përkohshëm i TVSH-së së produkteve të shportës në masën 10 %
-Ngritja e “Bordit të kontrollit të tregut dhe çmimit për produktet ushqimore bazë me periudhë paraprake deri 31 maj”.
Rritja e çmimit të naftës, e reflektuar në rritjen e çmimeve të produkteve ushqimore, ka sjellë reagime të shumta. Në Kuvend është depozituar një nismë që synon pezullimin deri me 31 dhjetor 2022 të taksës së qarkullimit dhe taksës së karbonit.
Ndërkohë ish zevendës-kryeministri Erion Braçe është shprehur kundër heqjes së taksave por ka kërkuar që të pezullohet koncesioni i markimit të karburanteve dhe koncesioni i skanimit.
Nga ana tjetër, qeveria ka miratuar një paketë masash ku përfshihet indeksimi i pensioneve, dhënia e një ndihme 3 mijë lekë në muaj për kategoritë në nevojë, rritjen e pagës minimale dhe hyrjen në fuqi më të shpejtë të tatimit të ri mbi pagat.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.