Të premten në Vetting – Në sitë Kreu i Gjykatës së Lartë Zaganjori dhe Rovena Gashi
Java e ngarkuar Vettingut, përgjatë së cilës u zhvilluan rreth 10 seanca, me 3 shkarkime në Gjykatën e Lartë, duket se do të arrijë kulmin të premten. Do të jetë radha e Xhezair Zaganjorit, Kreut të Gjykatës së Lartë të paraqitet në seancë dëgjimore në Komisionin e Pavarur të Kualifikimit.
Kjo gjykatë numëron aktialisht vetëm 6 anëtarë nga 19 të përcaktuar me ligj, duke qene se po gjatë kësaj javë publiku u bë dëshmitar i tre shkarkimeve: Artan Laze për pasurinë, Tom Ndreca për pasurinë dhe fshehjen e lidhjeve të dyshimta, dhe Admir Thanza për pasurinë dhe një dënim të formës së prerë në Itali. Javët në vijim, në sitën e Vetting-ut do të kalojnë edhe anëtarët e tjerë të Gjykatës së Lartë, e cila rrezikon të pësojë fatin e Kushtetueses, e cila numëron vetëm dy anëtarë, një prej tyre me mandat të përfunduar.
Por po të premten një tjetër emër i njohur i sistemit të drejtësisë do t’i nënshtrohet Vetting-ut. Bëhet fjalë për Rovena Gashin, ish Drejtoreshë e Marrëdhënieve Juridiksionale me Jashtë në Prokurorinë e Përgjithëshme. Aktualisht Gashi është e pezelluar, pasi ndaj saj ka nisur një procedim penal për fshehje pasurie.
Lorenc Rabeta/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.