Të rinjtë shqiptarë, si europianët. Shifrat, zgjedhjet e degëve për universitet, thuajse të njëjta
Nga ‘SCAN INTELLIGENCE UNIT’
Bazuar në të dhënat e INSTAT dhe EUROSTAT, të analizuara nga “Scan Intelligence Unit”, dallohet qartë se shumica e të rinjve shqiptarë janë në të njëjtë linjë të profilit të studimeve, me brezin e tyre, që janë shtetas të Bashkimit Europian. Bazuar në të dhënat e publikuara nga Institutet përkatëse të Statistikave, degët më të preferuara për të dy “grupimet” e të rinjve janë: degët e Biznesit dhe Drejtësisë, Inxhinieritë dhe degët me profil kujdesin shëndetësor. Po të flasim me përqindje, 25% e studentëve europianë studiojnë për Biznes dhe Drejtësi, 15 % e tyre ndjekin studimet për Inxhinieri dhe 14 % e tyre nisin universitetin në profilin Shëndet dhe Mirëqënie.
Studimet e të rinjve shqiptarë
Në Shqipëri, gjatë vitit 2018, kanë nisur studimet e larta në total 139.043 studentë. Profilet më të preferuara të tyre kanë qenë: Biznes dhe Drejtësi (24%), Shëndet dhe Mirëqënie (14.9%), si dhe Inxhinieri (14.3%). Në total, këto tre profile dominojnë të gjithë degët e përzgjedhur nga studentët. Përpos degëve më të aplikuara, ka edhe degë, të cilët zënë një pozicion më modest, në numrin e përzgjedhjeve nga studentët. Më pak të preferuara janë Shkencat Natyrore, Matematikë dhe Statistikë (5%), degët e Universitetit Bujqësor (3.5%) dhe arsimimi i lartë në profilin e Shërbimeve (3%).
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.